புதுச்சேரி மற்றும் உழவர்கரை நகராட்சிக்குட்பட்ட பகுதிகளில் சாலையோரங்கள், நடைபாதையில்நீண்டகாலமாக நிறுத்தி வைக்கப்பட்டுள்ள பழுதடைந்த கைவிடப்பட்ட கனரக, வாகனங்கள், போக்குவரத்து ஒழுங்குக்கு இடையூறாக உள்ளன. இதனால் குப்பை தேக்கம், கொசு உற்பத்தி, தொற்று நோய்கள் பரவல் அபாயம் மற்றும் சாலை விபத்துக்கள் அதிகரித்துள்ளது. இவ்வாகனங்கள் உபகரணங்களை ஒரு வார காலத்திற்குள் அகற்றிக்கொள்ளுமாறு அறிவுறுத்தப்பட்டது. சம்பந்தப்பட்ட உரிமையாளர்கள் ஒரு வார காலத்திற்குள் தங்களது வாகனங்கள் மற்றும் உபகரணங்களை உடனடியாக அகற்றி, தங்களது சொந்த இடங்களில் பாதுகாப்பாக நிறுத்திக்கொள்ளுமாறும் அறிவுறுத்தப்பட்டது அவ்வாறு காலக்கெடுவிற்குள் அகற்றப்படாத வாகனங்கள் மற்றும் உபகரணங்கள், புதுச்சேரி நகராட்சி போக்குவரத்துக் காவல்துறையின் உதவியுடன் முன்னறிவிப்புமின்றி அப்புறப்படுத்தப்பட்டு, நடைமுறையில் உள்ள சட்ட விதிகளின்படி பொது ஏலத்தின் மூலம் விற்பனை செய்யப்படும் என அறிவிப்பு நோட்டீஸ்கள் உழவர்கரை நகராட்சி மூலம் சம்பந்தப்பட்ட வாகனங்கள் ஒட்டப்பட்டது.

பல இடங்களில் இவைகள் அகற்றப்படாமல் இருப்பது கண்டறியப்பட்டது. வாகனங்கள் இன்று (16-09-2026) உழவர்கரை நகராட்சி ஆணையர் அருண் அய்யாவு நேரடி மேற்பார்வையில் போக்குவரத்து துறை அதிகாரிகள், உழவர்கரை துணை வட்டாட்சியர், காவல் துறை அதிகாரிகள் முன்னிலையில் உழவர்கரை நகராட்சி ஊழியர்கள் மூலம் பறிமுதல் செய்யப்பட்டது.