புதுச்சேரி தட்டாஞ்சாவடி சட்டமன்றத் தொகுதி இடைத்தேர்தலுக்கான வேட்புமனு தாக்கல் கடந்த செப்டம்பர் 16-ஆம் தேதி நிறைவடைந்தது. மொத்தம் 15 வேட்புமனுக்கள் பெறப்பட்ட நிலையில், செப்டம்பர் 17-ஆம் தேதி நடைபெற்ற பரிசீலனையில் 11 வேட்புமனுக்கள் ஏற்றுக்கொள்ளப்பட்டன.

வேட்புமனுக்களை திரும்பப் பெறுவதற்கான காலக்கெடு இன்று செப்டம்பர் 19-ஆம் தேதியுடன் நிறைவடைந்தது. இதையடுத்து, வேட்பாளர்கள் மற்றும் அவர்களது முகவர்கள் முன்னிலையில், ஏற்றுக்கொள்ளப்பட்ட வேட்பாளர்களுக்கு தேர்தல் சின்னங்கள் ஒதுக்கப்பட்டன.

தொடர்ந்து, தேர்தலில் போட்டியிடும் இறுதி வேட்பாளர் பட்டியலை மாவட்ட தேர்தல் அதிகாரி வெளியிட்டார். அதன்படி, தட்டாஞ்சாவடி சட்டமன்றத் தொகுதி இடைத்தேர்தலில் மொத்தம் 11 வேட்பாளர்கள் போட்டியிடுகின்றனர்.

தட்டாஞ்சாவடி தொகுதிக்கான வாக்குப்பதிவு அக்டோபர் 6-ஆம் தேதியும், வாக்கு எண்ணிக்கை அக்டோபர் 9-ஆம் தேதியும் நடைபெற உள்ளது.