மத்திய மகளிர் மற்றும் குழந்தைகள் மேம்பாட்டு அமைச்சகம் நடத்தும் 9வது தேசிய ஊட்டச்சத்து மாதம் (ராஷ்ட்ரிய போஷண் மாஸ்) 2026 வரும் புதன்கிழமை வாரணாசியில் தொடங்குகிறது.

மத்திய மகளிர் மற்றும் குழந்தைகள் மேம்பாட்டுத் துறை அமைச்சர் அன்னபூர்ணா தேவி இந்த மாத விழாவைத் தொடங்கி வைக்கிறார். “எங்கள் அங்கன்வாடி, எங்கள் பொறுப்பு” என்பது இந்த ஆண்டின் கருப்பொருள்.

ஐந்து முக்கியக் கருப்பொருள்களை மையமாகக் கொண்டு இந்த ஆண்டு பிரசாரம் நடைபெறுகிறது. உணவு வகைப்பன்மையும் போதிய புரதச்சத்தும், அங்கன்வாடி மையங்களில் சூடான சமைத்த உணவு, சமூகப் பங்கேற்பும் பொறுப்புணர்வும், ஊட்டச்சத்துடன் இணைந்த ஆரம்பகாலக் கல்வி ஆகியவை அவற்றுள் அடங்கும்.

மிஷன் சக்ஷம் அங்கன்வாடி மற்றும் போஷண் 2.0 திட்டத்தின் கீழ் திருத்தப்பட்ட கூடுதல் ஊட்டச்சத்துத் திட்ட வழிகாட்டுதல்களின்படி, சூடான சமைத்த உணவு என்றால் என்ன என்பது முதன்முறையாக வரையறுக்கப்பட்டுள்ளது. அங்கன்வாடி மையங்களில் உணவுப் பட்டியல் பலகைகள் கட்டாயமாக்கப்பட்டுள்ளதுடன், அங்கன்வாடி மேலாண்மைக் குழுக்கள் அமைப்பதற்கான வழிகாட்டுதல்களும் வழங்கப்பட்டுள்ளன.

2018ஆம் ஆண்டு தொடங்கப்பட்ட போஷண் அபியான் திட்டத்தின் ஒரு பகுதியாக, ஒவ்வோர் ஆண்டும் செப்டம்பர் மாதம் ஊட்டச்சத்து மாதமாகக் கடைப்பிடிக்கப்படுகிறது. பெண்கள், குழந்தைகள் மற்றும் இளம் பருவத்தினரின் ஊட்டச்சத்து, உடல்நலம் மற்றும் பராமரிப்புப் பழக்கங்களை மேம்படுத்தும் மக்கள் இயக்கமாக இது வளர்ந்துள்ளது.

தகவல் ஆதாரம்: ஆகாஷ்வாணி செய்திகள் (பிரசார பாரதி)