புதுச்சேரி, ஜிப்மரில் பி.எஸ்சி. நர்சிங் மற்றும் அலைடு ஹெல்த் சயின்ஸ் படிப்புகளுக்கு வருகின்ற 28ம் தேதி வரை விண்ணப்பங்கள் வரவேற்கப்படுகின்றன.

புதுவை கோரிமேட்டில் உள்ள ஜிப்மர் மருத்துவக் கல்லூரி மருத்துவமனையில் பி.எஸ்சி. நர்சிங் படிப்பு உள்ளது. இங்கு பெண்கள்-85,ஆண்கள்-9 என 94இடங்கள்,பி.எஸ்சி. அலைடு ஹெல்த் சயின்ஸ் படிப்புகளில் 97 இடங்கள் என மொத்தமாக 191 இடங்கள் உள்ளன.இந்த இடங்களுக்கான மாணவர் சேர்க்கை ஆண்டுதோறும் நீட் தேர்வு மதிப்பெண் அடிப்படையில் நிரப்பப்பட்டு வருகிறது. அதன்படி நடப்பு கல்வியாண்டுக்கான(2026-27) பி.எஸ்சி. நர்சிங் மற்றும் பி.எஸ்சி.அலைடுஹெல்த் சயின்ஸ் பாடப்பிரிவுகளுக்கான மாணவர் சேர்க்கைக்கு ஜிப்மர் இணையதளத்தில் https://academic.jipmer.edu.in/bsc/admission/ விண்ணப்பங்கள் பெறப்பட்டு வருகிறது.

இந்த பாடப்பிரிவுகளுக்கு விண்ணப்பிக்க வருகிற 28-ந் தேதி கடைசி நாள். அன்று மாலை 4 மணிக்குள் விண்ணப்பிக்க வேண்டும். தகுதியான மாணவர்களின்பட்டியல் அடுத்த மாதம் (அக்டோபர்) 9-ந் தேதியோ அல்லது அதற்கு முன்பாகவோ ஜிப்மர் இணையதளத்தில் வெளியிடப்படும்.

மாணவர் சேர்க்கைக்கான கலந்தாய்வு அடுத்த மாதம் 26-ந்தேதி தொடங்கும்.மேலும் அடுத்த மாதம் 30-ந் தேதி வகுப்புகள் தொடங்கும் என ஜிப்மர் நிர்வாகம் தெரிவித்துள்ளது.