வரலாற்றுச் சிறப்புமிக்க டி20 போட்டியில் இந்தியா, ஜப்பான் அணிகள் செப்டம்பர் 22-ந் தேதி மோதவுள்ளன. ஒரே ஒரு போட்டியைக் கொண்ட இந்த “சுஸுகி கப்” தொடர், 2026 ஆசிய விளையாட்டுப் போட்டிகளின் ஆடவர் கிரிக்கெட் தொடருக்கு முன்பாக இரு அணிகளும் போட்டிக்கு தயாராக ஒரு நல்ல வாய்ப்பாக அமையும்.

ஆடவர் டி20 சர்வதேச கிரிக்கெட்டில் இந்தியா மற்றும் ஜப்பான் அணிகள் நேருக்கு நேர் மோதுவது இதுவே முதல் முறையாகும். ஆசிய விளையாட்டு நாக்-அவுட் சுற்றுகளுக்கு முன்பாக இந்தியா தனது திறனை மேலும் உயர்த்தப் பார்க்கும் அதே வேளையில், 3 முறை டி20 உலகக் கோப்பையை வென்ற இந்திய அணியை எதிர்த்து விளையாடும் வாய்ப்பு ஜப்பானுக்குக் கிடைத்துள்ளது.

மேலும், இந்தியா – ஜப்பான் இடையிலான 75 ஆண்டுகால இராஜதந்திர உறவைக் கொண்டாடும் “ஸ்போர்ட் 75” (Sport 75) திட்டத்தின் ஒரு பகுதியாகவும் இந்தப் போட்டி நடத்தப்படுகிறது.

இந்தியா vs ஜப்பான் டி20I: போட்டி விவரங்கள்

போட்டி: இந்தியா vs ஜப்பான், சுஸுகி கப் (Suzuki Cup)

தேதி: செவ்வாய்க்கிழமை, செப்டம்பர் 22, 2026

நேரம்: காலை 9:30 மணி (இந்திய நேரம்) / பிற்பகல் 1:00 மணி (ஜப்பான் நேரம்)

மைதானம்: சானோ சர்வதேச கிரிக்கெட் மைதானம், தோச்சிகி, ஜப்பான்

இந்தியா vs ஜப்பான் டி20I: நேரலையில் எங்கு, எப்போது பார்க்கலாம்?

இந்தியாவில் உள்ள கிரிக்கெட் ரசிகர்கள் இந்த வரலாற்றுச் சிறப்புமிக்க போட்டியை ஃபேன் கோட் (FanCode) செயலி மற்றும் இணையதளத்தில் நேரலையாகக் காணலாம். தொலைக்காட்சி ஒளிபரப்பை ஸ்டார் ஸ்போர்ட்ஸ் (Star Sports) நெட்வொர்க்கில் பார்க்கலாம். ஜப்பானில் உள்ள உள்ளூர் ரசிகர்கள் இந்த முக்கியப் போட்டியைப் பார்க்கும் வகையில் டோஜிகி டிவி (‘Tochigi TV’) தொலைக்காட்சியில் இலவசமாக ஒளிபரப்பப்படுகிறது.

இந்தியா vs ஜப்பான் டி20I: முழு அணி விவரம்

இந்திய அணி:

சஞ்சு சாம்சன் (விக்கெட் கீப்பர்), அபிஷேக் சர்மா, திலக் வர்மா, ஸ்ரேயாஸ் ஐயர் (கேப்டன்), சிவம் துபே, இஷான் கிஷன், அக்சர் படேல், ரவி பிஷ்னோய், யாஷ் தாக்கூர், ஜஸ்ப்ரீத் பும்ரா, அர்ஷ்தீப் சிங், வாஷிங்டன் சுந்தர், விப்ராஜ் நிகாம், வைபவ் சூரியவன்ஷி.

ஜப்பான் அணி:

கெண்டல் கடோவாக்கி-பிளெமிங் (கேப்டன்), சார்லி ஹரா-ஹின்ஸ், பெஞ்சமின் இடோ-டேவிஸ், அலெஸ்டர் கடோவாக்கி-பிளெமிங், கோஹேய் குபோடா, ஜேக் குசுடா-நாயர்ன், வட்டாரு மியாவாச்சி (விக்கெட் கீப்பர்), ரெயோ சாகுரானோ-தாமஸ், அலெக்ஸ் ஷிராய்-பாட்மோர் (விக்கெட் கீப்பர்), ஷோமா சுகாயா-ஸ்லேட்டர், டெக்லான் சுஸுகி-மெக்கோம்ப், சுயோஷி தகடா, இப்ராஹிம் தகாஹாஷி, மகோடோ தானியாமா, லக்லான் யாமமோட்டோ-லேக்.