57வது இந்திய சர்வதேசத் திரைப்பட விழா (இஃபி) இந்த ஆண்டு நவம்பர் 20 முதல் 28 வரை கோவாவில் நடைபெறுகிறது.

மத்திய தகவல் ஒளிபரப்புத் துறை அமைச்சகம், தேசியத் திரைப்பட வளர்ச்சிக் கழகம் (என்.எஃப்.டி.சி.) மற்றும் கோவா மாநில அரசு இணைந்து ஆண்டுதோறும் நடத்தும் இந்த விழாவுக்கு, பிரபல இயக்குநர் ஆஷுதோஷ் கோவாரிக்கர் விழா இயக்குநராக நியமிக்கப்பட்டுள்ளார்.

விழாவில் திரையிடுவதற்கான படங்களுக்கு விண்ணப்பங்கள் வரவேற்கப்பட்டுள்ளன. இந்தியப் பனோரமா பிரிவில் திரைப்படங்களும், சிறந்த இணையத் தொடருக்கான (ஓ.டி.டி.) விருதுப் பிரிவில் தொடர்களும் இடம்பெறும்.

2004ஆம் ஆண்டு முதல் கோவாவே இஃபி விழாவின் நிரந்தர இடமாக உள்ளது. ஒவ்வோர் ஆண்டும் உலகின் பல்வேறு நாடுகளிலிருந்து திரைப்படங்கள் இங்கு திரையிடப்படுகின்றன.

விழா குறித்த முழு விவரங்களுக்கு: www.iffigoa.org

தகவல் ஆதாரம்: இந்திய அரசின் பத்திரிகைத் தகவல் அலுவலகம் (பி.ஐ.பி.) மற்றும் iffigoa.org