57வது இந்திய சர்வதேசத் திரைப்பட விழாவின் ஒரு பகுதியாக நடத்தப்படும் “நாளைய படைப்பாளிகள்” (Creative Minds of Tomorrow) திட்டத்தின் ஐந்தாவது பதிப்புக்கான விண்ணப்பங்கள் தொடங்கியுள்ளன.

மத்திய தகவல் ஒளிபரப்புத் துறை அமைச்சகமும் தேசியத் திரைப்பட வளர்ச்சிக் கழகமும் (என்.எஃப்.டி.சி.) இணைந்து நடத்தும் இத்திட்டத்தில், நாடு முழுவதிலிருந்தும் 100 இளம் திரைத்துறைக் கலைஞர்கள் தேர்ந்தெடுக்கப்படுவார்கள்.

மொத்தம் 13 திரைத்துறைப் பிரிவுகளில் இந்தத் தேர்வு நடைபெறும். தேர்வு பெறுபவர்களுக்கு, நவம்பர் 20 முதல் 28 வரை கோவாவில் நடைபெறும் இஃபி விழாவில் பங்கேற்று, துறை வல்லுநர்களுடன் பயிற்சி பெறும் வாய்ப்பு கிடைக்கும்.

திரைத்துறையில் நுழைய விரும்பும் தமிழ்நாடு, புதுச்சேரி இளைஞர்களுக்கு இது ஒரு நல்ல வாய்ப்பாகும்.

விண்ணப்பிக்க: www.iffigoa.org — தொடர்புக்கு: creativeminds@nfdcindia.com

தகவல் ஆதாரம்: இந்திய அரசின் பத்திரிகைத் தகவல் அலுவலகம் (பி.ஐ.பி.) மற்றும் என்.எஃப்.டி.சி.