மறைந்த நடிகரும் இயக்குநருமான பாரதிராஜா நடித்துள்ள புலவர் திரைப்படத்தின் டீசர் தற்போது வெளியாகியுள்ள நிலையில், இப்படம் செப்டம்பர் 25ஆம் தேதி வெள்ளிக்கிழமை திரையரங்குகளில் வெளியாகும் எனத் தெரிவிக்கப்பட்டுள்ளது.

தமிழ் சினிமாவில் இயக்குனராக முத்திரை பதித்த இயக்குனர் இமயம் பாரதிராஜா கடந்த சில மாதங்களுக்கு முன்பு மரணமடைந்தார். அவர் நடித்த கடைசி திரைப்படம் புலவர். முருகையா எழுதி இயக்கியுள்ள இப்படத்தில், படக்குழுவினர் குறிப்பிடும் வகையில், திறமையான நட்சத்திரக் கூட்டணி” இடம்பெற்றுள்ளது. ரேச்சல் ரபெக்கா, ஹலோ கந்தசாமி, ரவிச்சந்திரன், வெற்றிவேல் ராஜா, பூபாலம் சந்தில், சாப்ளின் சுந்தர், ஜிந்தா உள்ளிட்ட பலர் இப்படத்தில் நடித்துள்ளனர்.

புலவர் படத்தின் டீசர், பாரதிராஜா ஏற்றுள்ள கேரக்டர் ஒரு கொலை வழக்கை விசாரிப்பது போன்ற கதைக்களத்தைச் சுட்டிக்காட்டுகிறது. ஒரு கட்டத்தில், கொலைக்கான காரணம் குறித்து ஒரு கேரக்டர் கேள்வி எழுப்புகிறது. மற்றொரு காட்சியில் பாரதிராஜாவின் கேரக்டர் எதற்காக இது செய்யப்பட்டது? இதைச் செய்யச் சொன்னது யார்? என்று கேட்கிறது.

விசாரணை முடிவு வரை தொடரும் என்று படத்தின் ஹீரோ கூறுவதுடன் டீசர் நிறைவடைகிறது. ஒரு காட்சியில், பாரதிராஜா கேரக்டர் ஒருவரை துப்பாக்கி முனையில் பிடித்து வைத்திருப்பது காட்டப்படுகிறது. இருப்பினும், டீசரின் ஒட்டுமொத்த அணுகுமுறை சற்று நகைச்சுவை கலந்த இலகுவான பாணியில் அமைந்துள்ளது.

புலவர் திரைப்படத்திற்கான வசனங்களை பூபாலம் செந்தில் எழுதியுள்ளார். தொழில்நுட்பக் குழுவில் இசையமைப்பாளராக அஜ்மல் கான், ஒளிப்பதிவாளராக ஆர்.வி. சரண், படத்தொகுப்பாளராக தனசேகர் மற்றும் கலை இயக்குநராக ஏ. அருண்குமார் ஆகியோர் பணியாற்றியுள்ளனர். சமீர் பாரத் ராம் மற்றும் காசி விஸ்வநாதன் ஆகியோர் சூப்பர் டாக்கீஸ் மற்றும் ஒயிட் நைட் எண்டர்மெயின்மெண்ட் (White Nights Entertainment) நிறுவனங்களின் சார்பில் இப்படத்தைத் தயாரித்துள்ளனர்.

பாரதிராஜா இந்த ஆண்டு ஜூன் 10ஆம் தேதி தனது 84ஆவது வயதில் மரணமடைந்தார். தனது திரையுலக வாழ்க்கையில் 40-க்கும் மேற்பட்ட திரைப்படங்களை இயக்கியுள்ள அவர், சுமார் 30 திரைப்படங்களில் நடித்துள்ளார். தமிழ் சினிமாவில் கிராமப்புற வாழ்க்கையை மையமாகக் கொண்ட யதார்த்தமான திரைப்படங்களை உருவாக்கிய முன்னோடியாக திகழ்ந்த பாரதிராஜா ஸ்டூடியோவுக்குள் முடங்கி கிடந்த தமிழ் சினிமாவை வெளியுலகத்திற்கு கொண்டு சென்றவர்.

தனது சிறப்புமிக்க திரையுலகப் பயணத்தில் பாரதிராஜா ஆறு தேசிய விருதுகளையும், அதே எண்ணிக்கையில் தமிழ்நாடு மாநில திரைப்பட விருதுகளையும் வென்றுள்ளார். இயக்குநராக அவரது கடைசி படைப்பு, மாடர்ன் லவ் சென்னை (‘Modern Love Chennai’) என்ற ஆந்தாலஜி தொடரில் இடம்பெற்ற பறவைக் கூட்டில் வாழும் மான்கள் என்ற அத்தியாயமாகும். புலவர்’ திரைப்படத்திற்கு முன்பு, கடந்த ஆண்டு அக்டோபர் மாதம் திரையரங்குகளில் வெளியான தேசியத் தலைவர்’ திரைப்படத்தில் பாரதிராஜா நடித்திருந்தார்.

தற்போது வெளியாகவுள்ள புலவர்’ திரைப்படம், பாரதிராஜா பெரிய திரையில் தோன்றும் இறுதி திரைப்படமாக இருக்கும் என்று தகவல்கள் தெரிவிக்கின்றன.