ஆயுர்வேத தினம் ஒரு மக்கள் இயக்கமாக மாற வேண்டும் என்றும், ஆயுர்வேதம் குறித்த ஆதாரப்பூர்வமான தகவல்கள் ஒவ்வொரு வீட்டையும், பள்ளியையும், கல்லூரியையும், பணியிடத்தையும் சென்றடைய வேண்டும் என்றும் மத்திய ஆயுஷ் துறை அமைச்சர் பிரதாப்ராவ் ஜாதவ் தெரிவித்தார்.

புது தில்லியில் செய்தியாளர்களிடம் பேசிய அவர், 11வது ஆயுர்வேத தினம் இம்மாதம் 23ஆம் தேதி நாக்பூரில் கொண்டாடப்படும் என்று அறிவித்தார். “ஆரோக்கியமான நாளைக்கான ஆயுர்வேதம்” என்பது இந்த ஆண்டின் கருப்பொருள்.

தடுப்பு மருத்துவம், ஆரோக்கியமான வாழ்க்கை முறை, ஊட்டச்சத்து மற்றும் முழுமையான உடல்நலப் பராமரிப்பு ஆகியவற்றை நோக்கி உலகம் திரும்பி வருவதாகவும், இத்துறைகளில் இந்தியாவுக்கு நீண்ட பாரம்பரியமும் அனுபவமும் உள்ளதாகவும் அமைச்சர் கூறினார்.

இந்த ஆண்டுப் பிரசாரத்துக்கு மூன்று முக்கியக் கவனப் பகுதிகள் அறிவிக்கப்பட்டுள்ளன: சிறந்த உடல்நலப் பலன்களுக்கான ஒருங்கிணைந்த மருத்துவம்; ஆயுர்வேதத்தில் ஆதாரம், ஆய்வு மற்றும் புத்தாக்கம்; சமூக நலனுக்கும் நிலையான வாழ்வுக்குமான ஆயுர்வேதம்.

தகவல் ஆதாரம்: ஆகாஷ்வாணி செய்திகள் (பிரசார பாரதி)