தமிழ் சினிமாவில் 80-களில் தவிர்க்க முடியாத நடிகைகளாக வலம் வந்த சகோதரிகள் அம்பிகா மற்றும் ராதா. இருவரும் உச்ச நட்சத்திரங்களான ரஜினி, கமல் உள்ளிட்ட முன்னணி நடிகர்களுடனும் ஜோடியாக நடித்துள்ளனர். தற்போது ராதா சினிமாவில் இருந்து விலகி இருக்கும் நிலையில், அம்பிகா சின்னத்திரையில் பல்வேறு சீரியல்களில் பிஸியாக நடித்து வருகிறார்.

இந்த நிலையில், சகோதரிகள் அம்பிகா மற்றும் ராதா இடையே வெடித்துள்ள மாபெரும் சொத்து மற்றும் பணப் பிரச்சனை ஒட்டுமொத்தக் கோலிவுட்டையும் உலுக்கியுள்ளது. தற்போது சென்னை வேப்பேரியில் உள்ள சென்னை காவல் ஆணையர் (City Police Commissioner) அலுவலகத்தில், நடிகை ராதா தன் சொந்த அக்கா மீது அதிரடியாகப் புகார் மனு ஒன்றை அளித்துள்ளார்.

நடிகை ராதா, தனது மூத்த சகோதரியான நடிகை அம்பிகா மற்றும் அவர்களின் சொந்தச் சகோதரர் மீது இந்த மோசடிப் புகாரை அளித்துள்ளார். பண பரிவர்த்தனை மற்றும் சொத்து தொடர்பான விவகாரத்தில், தன்னிடம் கொடுக்கப்பட்ட ரூ. 46 கோடி மதிப்பிலான காசோலை (Cheque) வங்கியில் பணமில்லாமல் திரும்பியதாகவும் (Cheque Bounce), அக்கா அம்பிகாவும் சகோதரரும் சேர்ந்து தன்னிடம் பல கோடி ரூபாய் செக் மோசடி செய்துவிட்டதாகவும் ராதா தனது புகாரில் பரபரப்புக் குற்றச்சாட்டைச் சுமத்தி இருக்கிறார்.

திரையுலகில் எப்போதும் இணை பிரியாத சகோதரிகளாகவும், குடும்ப உறவுக்கு முன்னுதாரணமாகவும் பேசப்பட்டு வந்த அம்பிகா – ராதா குடும்பத்திற்குள் ரூ. 46 கோடி அளவுக்குப் பணத் தகராறு ஏற்பட்டு, அது காவல் நிலையம் வரை சென்றிருப்பது திரைத் துறையினரையும், சினிமா ரசிகர்களையும் பெரும் அதிர்ச்சியில் ஆழ்த்தியுள்ளது. காவல்துறை இந்த ரூ. 46 கோடி செக் மோசடி புகார் குறித்து விசாரணை நடத்த உத்தரவிட்டுள்ள நிலையில், அடுத்து என்ன நடக்கப்போகிறது என்ற பரபரப்பு கிளம்பியுள்ள