தமிழக முதல்வர் விஜய்யின் மகன் ஜேசன் சஞ்சய், ‘சிக்மா’ திரைப்படத்தின் மூலம் இயக்குநராக அறிமுகமாகியுள்ளார். அக்டோபர் 2 அன்று திரையரங்குகளில் வெளியான இந்த படம் நல்ல வரவேற்பை பெற்று வருகிறது.

இந்த படத்தின் ப்ரமோஷன் பணிகளில் ஈடுபட்டுள்ள ஜேசன் சமீபத்தில் வி.ஜே. சித்துவுக்கு அளித்த பேட்டியில், தனது தனிப்பட்ட வாழ்க்கை குறித்து மனம் திறந்து பேசியுள்ளார். அதில் தான் இதுவரை ஒரே ஒரு காதலில் மட்டுமே இருந்ததாகவும், கல்லூரி காலத்தில் தொடங்கிய அந்த காதல் சுமார் ஒன்றரை ஆண்டுகள் நீடித்ததாகவும், பின்னர் இருவருமாக பேசி பிரிய முடிவு செய்ததாகவும் தெரிவித்தார்.

அந்தக் காதலை நினைவுகூர்ந்த ஜேசன், இருவரின் சம்மதத்துடனே அந்தப் பிரிவு நடந்ததாகக் கூறினார். “ஒரே ஒரு காதல் தான் இருந்தது. அது ரொம்ப நாளுக்கு முன்னாடி, நாங்க கல்லூரியில் படித்தபோது நடந்தது. நாங்க சுமார் ஒன்றரை வருஷம் காதலிச்சோம், ஆனால் இருவரும் சூழ்நிலையைப் பற்றிப் பேசிப் புரிந்து கொண்ட பிறகே காதலை முடிக்க முடிவு செய்ததாகக் கூறினார்.

காதல் முடிவுக்கு வந்தபோது ஜேசன் வெளிநாட்டில் சினிமா இயக்கம் படித்துக் கொண்டிருந்தார். காதல் பிரிவை எவ்வாறு எதிர்கொண்டார் என்று கேட்டபோது, அனைவரும் எளிதில் தொடர்படுத்திக் கொள்ளக்கூடிய ஒரு பதிலை அளித்தார். அந்த காலகட்டத்தில் தான் யுவன் சங்கர் ராஜாவின் காதல் பாடல்களைக் கேட்பது வழக்கம். காதல் பிரிவுக்குப் பிறகு சமூக ஊடகங்களை தான் திட்டமிட்டே தவிர்த்து வந்தேன்.

இன்ஸ்டாகிராமில் இருந்து விலகி இருந்தது இருவருக்கும் இடையே இடைவெளியைப் பேணவும், மீண்டும் அதே சூழலுக்குள் செல்லாமல் இருக்கவும் உதவியதாக விளக்கினார். இன்ஸ்டாகிராமில் ஸ்டோரிஸ் எதுவும் போடும் எண்ணம் எனக்கு இருக்கவில்லை. காதல் பிரிவுக்குப் பிறகு ஸ்டோரிஸ் போட்டு, மீண்டும் தொடர்பில் வந்தால், அதிலிருந்து நம்மால் வெளியே வர முடியாது. அதனால் எங்களுக்குள் ஒரு இடைவெளியைப் பராமரித்தோம். செய்யக்கூடாது என்று நினைக்கும் விஷயங்களைச் செய்யாமல் இருக்க என்னை எப்போதும் கட்டுப்படுத்திக் கொள்வேன்,” என்றார்.

இன்று அந்த காதலைப் பற்றி எந்தவொரு கசப்பான உணர்வும் இல்லை என்றும், நடந்த விஷயங்கள் குறித்து தான் இயல்பாகவே இருப்பதாகவும் ஜேசன் கூறினார். “நான் இப்போது நலமாக இருக்கிறேன். அந்த நேரத்தில் அது நன்றாக இருந்தது. நாம் அனைவரும் நமது வாழ்க்கையை நோக்கி நகர்கிறோம்,” என்று அவர் கூறினார். காதல் பிரிவில் இருந்து மீண்ட பிறகு, தனது திரைப்பட இயக்கக் கனவின் மீது கவனத்தைச் செலுத்தியதாகக் கூறிய ஜேசன், “அதற்குப் பிறகு, நான் சிக்மா படத்தில் பிஸியாகிவிட்டேன்” என்றார்.

‘சிக்மா’ என்பது சந்தீப் கிஷன் முதன்மைப் பாத்திரத்தில் நடித்துள்ள ஒரு ஆக்ஷன்-அட்வென்ச்சர் ஹீஸ்ட் காமெடி திரைப்படமாகும். இவருடன் ஃபரியா அப்துல்லா, ராஜு சுந்தரம், சம்பத் ராஜ், ஷிவ் பண்டிட், அன்புதாசன் மற்றும் யோக் ஜாபி ஆகியோர் நடித்துள்ளனர்.