புதுச்சேரி காங்கிரஸ் பாராளுமன்ற உறுப்பினர் வைத்தியலிங்கம் தனது தொகுதி மேம்பாட்டு நிதியிலிருந்து ரூபாய் 75 லட்சம் தெரு விளக்கிற்கு ஒதுக்கீடு செய்து உள்ளார்.

இது குறித்த அவர் இன்று வெளியிட்டுள்ள அறிக்கையில்:

புதுச்சேரி பாராளுமன்ற மக்களவை உறுப்பினர் வெ. வைத்திலிங்கம் பல்வேறு தொகுதிகளில் தெரு மின்விளக்குகள் பற்றாக்குறை இருப்பதை அறிந்து அதற்காக தனது தொகுதி மேம்பாட்டு நிதியிலிருந்து ரூபாய் 75 லட்சம் ஒதுக்கீடு செய்து மின் துறையின் மூலம் 30 வாட் LED தெரு மின் விளக்குகள் 3474 எண்ணிக்கையிலும், 120 வாட் LED தெரு மின்விளக்குகள் 1800 எண்ணிக்கையிலும் கொள்முதல் செய்வதற்கு ஆணை பிறப்பித்து தற்சமயம் அந்த மின்விளக்குகள் மின் துறையில் பெறப்பட்டுள்ளன.

தேவையின் அடிப்படையில் பற்றாக்குறையை கருத்தில் கொண்டு பல்வேறு தொகுதிகளுக்கு பாராளுமன்ற மக்களவை உறுப்பினர் வெ. வைத்திலிங்கம் ஒதுக்கீடு செய்து கடிதம் அளித்துள்ளார்கள். இந்த மின் விளக்குகள் அந்தந்த பகுதிகளில் மிக விரைவில் பொருத்தப்படும்.