வீட்டு வசதி மற்றும் நகர்ப்புற வளர்ச்சித்துறை அமைச்சர் ராஜ்குமார் , மாவட்ட ஆட்சித்தலைவர் சிபி ஆதித்யா செந்தில் குமார்  முன்னிலையில் வடகிழக்கு பருவமழை முன்னெச்சரிக்கை நடவடிக்கைகள் குறித்து பல்வேறு பகுதிகளில் பார்வையிட்டு  ஆய்வு மேற்கொண்டார்.

 

தமிழ்நாடு முதலமைச்சர்ச.ஜோசப் விஜய் வடகிழக்கு பருவமழையை முன்னிட்டு அனைத்து பாதுகாப்பு மற்றும் முன்னெச்சரிக்கை நடவடிக்கைகளை மேற்கொள்ள உத்தரவிட்டுள்ளார். கடந்த காலங்களில் வடகிழக்கு பருவமழையின் போது ஏற்பட்ட பாதிப்புகளின் அடிப்படையில் ஆற்றின் கறைகளை பலப்படுத்துதல், வெள்ளத் தடுப்புச் சுவர் அமைத்தல் மற்றும் மழைநீர் வடியை ஏதுவாக வாய்க்கால்களை தூர்வாருதல் போன்ற பல்வேறு பணிகள் நீர்வளத் துறையின் மூலம் மேற்கொள்ளப்பட்டு வருகிறது. 

 

அதன்படி மழைக்காலங்களில் தென்பெண்ணையாற்றில் ஏற்படும் மழை வெள்ளத்தால் பாதிப்படையாமல் தடுத்திடவும், குமரப்பன் நகர் முதல் மாவட்ட ஆட்சியர் அலுவலகம் வரை 323 மீ நீளத்திற்கு பெண்ணையாற்றின் வலது கரையில் தடுப்பு சுவர் அமைக்கும் பணிகளையும், பருவமழையை முன்னிட்டு மணல் மூட்டைகள் தயார் நிலையில் வைக்கப்பட்டுள்ளதையும் ஆய்வு செய்யப்பட்டது. 

 

பெண்ணையாற்றில் ஏற்படும் வெள்ளபெருக்கால் பாதிக்கப்படக்கூடிய தாழ்வான பகுதிகளான மஞ்சக்குப்பம், ஓம்சக்கி நகர், பூந்தென்றல் நகர், குண்டுஉப்பலவாடி, கண்டகாடு, பெரியகங்கணாங்குப்பம், உச்சிமேடு, நானமேடு மற்றும் சுபஉப்பலவாடி பகுதிகளில் மழைநீர் உட்புகாமல் தடுத்திட  நிரந்தர வெள்ளத்தடுப்பு நடவடிக்கையாக தென்பெண்ணையாற்றின் கரைகளை பலப்படுத்தும் பணி ரூ.57 கோடி மதிப்பீட்டில் நடைபெற்று வருவதையும் ஆய்வு செய்யப்பட்டது. இதில் 2105 மீ  நீளத்திற்கு கருங்கல் சரிவுச்சுவர் அமைக்கும் பணிகள், 350 மீ நீளத்திற்கு கருங்கல் சுவர் அமைக்கும் பணிகள், 2900 மீ நீளத்திற்கு ஆற்றின் கரைகளை பலப்படுத்தும் பணிகள் நடைபெறுகிறது. இப்பணி நிறைவு பெறும் பட்சத்தில் 6 கிராமங்கள் மற்றும் கடலூர் மாநகராட்சிக்குட்டபட்ட 27 வார்டுகள், விளைநிலங்கள் மற்றும் வீடுகள் பாதுகாக்கப்படும்.

 

பருவமழை முன்னெச்சரிக்கையாக கெடிலம் ஆற்றில் வெள்ளநீர் தங்கு தடைஇன்றி செல்ல ஏதுவாக செடி, கொடிகள் மற்றும் சீமைகருவேல மரங்கள் அகற்றும் பணி நடைபெற்றுளளதையும், ரூ.29.51 கோடி மதிப்பீட்டில் பாதிரிக்குப்பம் முதல் கெடிலம் ஆறு  வரை சின்ன வாய்க்கால் சுமார் 2900 மீட்டர் 8 பாலத்துடன்  கான்கிரீட் கட்டுமானத்துடன் அமைக்கும் பணி நடைபெறுவதை பேருந்து நிலையம் அருகே பார்வையிட்டு ஆய்வு செய்யப்பட்டது. தொடர்ந்து ராசாப்பேட்டை பகுதியில் உள்ள புயல் பாதுகாப்பு மையத்தில் பொதுமக்களை தங்க வைக்க தேவையான குடிநீர் வசதி, மின்சார வசதி,  கழிப்பறை உள்ளிட்ட அனைத்து அடிப்படை வசதிகளுடன் தயார் நிலையில் இருப்பது குறித்து ஆய்வு செய்யப்பட்டது.

 

பருவமழை தொடங்குவதற்கு முன்பாகவே தேவையான அனைத்து முன்னெச்சரிக்கை நடவடிக்கைகளை மேற்கொள்ள அறிவுறுத்தியன்பேரில் கடலூர் மாவட்டத்தில் 22 இடங்கள் மிக அதிகமாக பாதிப்புக்குள்ளாக கூடிய இடங்களாகவும், 39 இடங்கள் அதிகம் பாதிப்புக்குள்ளாக கூடிய இடங்களாகவும், 20 இடங்கள் மிதமாக பாதிப்புக்குள்ளாக கூடிய இடங்களாகவும், 158 இடங்கள் குறைவான அளவு பாதிப்பு ஏற்படக்கூடிய இடங்களாகவும் என 239 இடங்கள் கண்டறியப்பட்டு, அனைத்து முன்னேற்பாடு பணிகளும் மேற்கொள்ளப்பட்டுள்ளது.

கனமழை ஏற்படும்பொழுது பொதுமக்களை பாதுகாப்பாக 28 புயல் பாதுகாப்பு மையங்களில் 8400 நபர்களும், 14 பல்நோக்கு பாதுகாப்பு மையங்களில்  15,800 நபர்களும், 191 தற்காலிக தங்கும் இடங்களில் 1,54,875 நபர்களும் தங்கவைக்கும் அளவிற்கு அனைத்து அடிப்படை வசதிகளுடன் தயார் நிலையில் உள்ளது.

  

பேரிடர் ஏற்படும் பொழுது அப்பகுதிகளில் போக்குவரத்து வசதிகளை சரிசெய்திடவும், மீட்புப் பணிகள் மேற்கொள்ளவும் JCB, பொக்கலைன் இயந்திரங்கள், மரம் அறுக்கும் இயந்திரங்கள் மற்றும் தற்காலிக மின்சார தேவைக்காக ஜெனரேட்டர்கள் தயார் நிலையில் உள்ளன. மேலும் மணல் மூட்டைகளும், சவுக்கு கட்டைகளும், ரப்பர் படகுகளும், மின் சாதனங்களும் தயார் நிலையில் உள்ளன. மேலும், அனைத்து அரசு மருத்துவமனைகளிலும் மின்சாரம் தடையின்றி வழங்கும் வகையில் ஜெனரேட்டர் வசதிகள், போதிய மருந்துகளும் இருப்பில் உள்ளதை உறுதி செய்யவும் அறிவுறுத்தப்பட்டுள்ளது.

 

வருவாய் மற்றும் பேரிடர் மேலாண்மை துறை, மின் துறை, தீயணைப்பு மற்றும் மீட்பு பணிகள் துறை, காவல் துறை, நகராட்சி நிர்வாக துறை, ஊரக வளர்ச்சி துறை, மீன்வளத்துறை என அனைத்து துறைகளும் ஒருங்கிணைந்து மழையினால் பொதுமக்களுக்கு எவ்வித இடர்பாடுகளும் ஏற்படாமல்  முன்னெச்சரிக்கை மற்றும் பாதுகாப்பு பணிகளை மேற்கொள்ள வேண்டும் எனவீட்டு வசதி மற்றும் நகர்புற வளர்ச்சித் துறை அமைச்சர்  தெரிவித்தார்

 

ஆய்வின் போது மாநகராட்சி ஆணையர் கிஷன் குமார், வருவாய் கோட்டாட்சியர் சுந்தரராஜன், ஊரக வளர்ச்சி முகமையின் திட்ட இயக்குநர் பாலகணேஷ், நீர்வளத்துறை செயற்பொறியாளர், உதவி செயற்பொறியாளர் வெற்றிவேல், உட்பட துறை சார்ந்த அலுவலர்கள் கலந்து கொண்டனர்.