காரைக்கால் சமூக நலத்துறையின் சார்பில் நடைபெற்ற பள்ளி மாணவர்களுக்கு இலவச மிதிவண்டிகள் வழங்கும் விழா, குடிமைப்பொருள் வழங்கல் மற்றும் நுகர்வோர் விவகாரங்கள் துறை அமைச்சர் சிவக்கொழுந்து தலைமையில் நடைபெற்றது.

வேளாண் துறை அமைச்சர் ராஜசேகரன் மற்றும் சட்டமன்ற எதிர்க்கட்சித் தலைவர் நாஜிம் ஆகியோர் கலந்து கொண்டு சிறப்பித்தனர். சமூக நலத்துறை இயக்குநர் முதன்மைக் கல்வி அதிகாரி மற்றும் சம்பந்தப்பட்ட துறை அதிகாரிகள் பங்கேற்றனர்.

இவ்விழாவில், அமைச்சர் சிவக்கொழுந்து மாணவர்களுக்கு இலவச மிதிவண்டிகளை வழங்கினார். மிதிவண்டிகள் வழங்கப்படுவதன் மூலம் மாணவர்கள் பள்ளிகளுக்குச் செல்வதில் ஏற்படும் சிரமங்கள் குறைவதுடன், அவர்களின் பயண நேரமும் மிச்சமாகிறது.

இதன் மூலம் மாணவர்கள் தங்களது கல்வியில் கூடுதல் கவனம் செலுத்துவதற்கான வாய்ப்பும் ஏற்படுகிறது. மாணவர்களின் கல்வி வளர்ச்சி மற்றும் நலனுக்கு முக்கியத்துவம் அளித்து, அரசின் நலத்திட்டங்கள் உரிய பயனாளிகளைச் சென்றடைவதை உறுதி செய்யும் வகையில் சமூக நலத்துறையின் சார்பில் இந்நிகழ்ச்சி ஏற்பாடு செய்யப்பட்டது.