தீபாவளிக்கு முன் தங்கம் விலையில் எந்த மாதிரியான மாற்றங்கள் நிகழ இருக்கிறது என்பது குறித்து இந்த பதிவில் விரிவாகப் பார்க்கலாம்.

செப்டம்பர் மாதத்தில் இந்தியாவில் தங்கத்தின் விலை கணிசமான சரிவை சந்தித்தது. அக்டோபர் மாத தொடக்கத்திலும் தங்கத்தின் விலையில் ஏற்ற இறக்கங்கள் நீடித்து வருகிறது. சர்வதேச சந்தையில் செப்டம்பர் மாதத்தில் தங்கத்தின் விலை சுமார் 6.5% சரிவை சந்தித்துள்ளது. டாலருக்கு எதிராக இந்திய ரூபாயின் மதிப்பில் ஏற்பட்ட சரிவின் காரணமாக இந்திய ரீடைல் சந்தையில் தங்கத்தின் விலை 3.28% மட்டுமே குறைந்துள்ளது.

அமெரிக்க மத்திய வங்கியான பெடரல் ரிசர்வ் தனது வட்டி விகிதங்களை தொடர்ந்து உயர்த்தி வருகிறது. இதன் காரணமாக அமெரிக்க அரசு பத்திரங்களில் கடந்த 10 ஆண்டுகளில் இல்லாத அளவிற்கு அதிக வட்டி கிடைக்கிறது. முதலீட்டாளர்கள் தங்கம், வெள்ளி ஆகியவற்றில் உள்ள தங்கள் முதலீடுகளைத் திரும்பப் பெற்று, பாதுகாப்பான மற்றும் அதிக லாபம் தரும் அமெரிக்க பத்திர சந்தையில் முதலீடுகளைத் தொடங்கியுள்ளனர். 

ஈரான் போர் சூழல் மற்றும் கச்சா எண்ணெய் விலை உயர்வு ஆகிய காரணங்களால் பணவீக்கம் அதிகரிக்கும் சூழல் உருவாகியுள்ளது. தற்போதைய சூழலில் முதலீட்டாளர்கள் தங்கத்தை விட பாதுகாப்பான பத்திர முதலீடுகளுக்கு அதிக முன்னுரிமை அளிக்கின்றனர். இதன் காரணமாக தங்கத்திற்கான உடனடி தேவை தற்காலிகமாக குறைந்துள்ளது. இந்தியாவில் தசரா, தீபாவளி போன்ற முக்கிய பண்டிகைகளும், அதிக அளவில் திருமணங்கள் நடைபெறும் காலகட்டம் இணைந்துள்ளன. எனவே இந்த காலகட்டத்தில் தங்கத்தின் நுகர்வோர் சேவை அதிகம் கணிசமாக உயரும்.

அக்டோபர் மாதத்தில் தங்கத்தின் விலை தீபாவளி பண்டிகைக்குள் ஒரு முக்கிய மாற்றத்தை சந்திக்கும் என எதிர்பார்க்கப்படுகிறது. அக்டோபர் மாதத்தில் நிலவும் இந்த விலைச் சரிவை பயன்படுத்தி நீண்டகால அடிப்படையில் தங்கத்தில் முதலீடு செய்பவருக்கு எதிர்காலத்தில் நல்ல லாபம் கிடைக்க வாய்ப்பு உள்ளது. உலகளாவிய கடன் நெருக்கடி அதிகரித்தால் முதலீட்டாளர்கள் மீண்டும் தங்கத்தை முதன்மையான முதலீடாக தேர்ந்தெடுப்பார்கள்.

தங்கத்தின் விலையை தீர்மானிப்பதில் கச்சா எண்ணெய் விலை, உலக வங்கிகளின் தங்க கொள்முதல், ஈரான் போர் பதற்றம் மற்றும் அரசு பத்திரங்களின் வட்டி விகிதம் என பல காரணிகள் தாக்கத்தை ஏற்படுத்துகின்றன. இருப்பினும் அக்டோபரில் தங்கத்தின் விலை தற்காலிக ஏற்ற, இறக்கங்களை சந்தித்தாலும், வரவிருக்கும் தீபாவளி மற்றும் திருமண சீசன் காரணமாக இந்தியாவில் தங்கத்தின் தேவையும், விலையும் மீண்டும் அதிகரிப்பதற்கான வாய்ப்புகளே உள்ளது.