மனுக்கள் மீது உடனடி நடவடிக்கை எடுத்து பொதுமக்களின் குறைகளைத் தீர்க்க காவல் கண்காணிப்பாளர் உத்தரவு

கடலூர் மாவட்ட காவல் கண்காணிப்பாளர் அலுவலகத்தில் வாரந்தோறும் புதன்கிழமை மற்றும் சனிக்கிழமை ஆகிய இரு நாட்களிலும் பொதுமக்களிடமிருந்து குறைதீர் மனுக்கள் பெறப்பட்டு, அவற்றின் மீது உரிய விசாரணை மேற்கொள்ளப்பட்டு நடவடிக்கை எடுக்கப்பட்டு வருகிறது.

அதன்படி, சனிக்கிழமை கடலூர் மாவட்ட காவல் கண்காணிப்பாளர் விவேகானந்த சுக்லா, IPS., பொதுமக்களிடமிருந்து நேரடியாக மனுக்களைப் பெற்று, அவர்களின் குறைகளைக் கேட்டறிந்தார்.

தொடர்ந்து, பெறப்பட்ட மனுக்களின் தன்மைக்கேற்ப சம்பந்தப்பட்ட காவல் அதிகாரிகளுக்கு உரிய விசாரணை மேற்கொண்டு விரைந்து நடவடிக்கை எடுக்குமாறு உத்தரவிட்டார். மேலும், பொதுமக்கள் அளிக்கும் மனுக்கள் மீது காலதாமதமின்றி நடவடிக்கை எடுத்து, அவர்களின் குறைகளுக்குத் தீர்வு காண வேண்டும் என அறிவுறுத்தினார்.

காவல் துறையின் விசாரணைக்கு உட்பட்ட புகார்களில், சட்டப்படி வழக்குப் பதிவு செய்ய வேண்டிய நிலை இருந்தால் உரிய சட்ட நடவடிக்கை மேற்கொள்ள வேண்டும் என்றும், சிவில் தொடர்பான பிரச்சினைகளில் சம்பந்தப்பட்டவர்கள் உரிய நீதிமன்றத்தை அணுகி சட்டப்படி தீர்வு பெறுவதற்கான வழிகாட்டுதல்களை வழங்க வேண்டும் என்றும் சம்பந்தப்பட்ட அதிகாரிகளுக்கு அறிவுறுத்தினார்.

கூடுதல் காவல் கண்காணிப்பாளர்கள் கோடீஸ்வரன் ரகுபதி துணை காவல் கண்காணிப்பாளர் செந்தில்குமார் மற்றும் காவல் ஆய்வாளர்கள் உடன் இருந்தனர்.