தீபாவளி பண்டிகை விரைவில் வர உள்ள நிலையில் அக்டோபர் மாதத்திலேயே முன்னணி ஆன்லைன் தளங்களும், பிரபல நேரில் இயங்கும் ஷோரூம்களும் போட்டிபோட்டுக்கொண்டு தங்களது பண்டிகைக் காலத் தள்ளுபடி விற்பனையைத் தொடங்கியுள்ளன. மின்னணு சாதனங்கள், தங்க நகைகள், வீட்டு உபயோகப் பொருட்கள், ஆடைகள் மற்றும் மளிகைப் பொருட்கள் எனப் பல பிரிவுகளில் வெளியாகி வரும் சலுகைகளின் விவரங்கள் குறித்து பார்க்கலாம்.

தங்க நகை வாங்கப்போறீங்களா?

தங்க நகை வாங்கத் திட்டமிடுபவர்கள் வெறும் தள்ளுபடி சதவீதத்தை மட்டும் பார்க்காமல், அன்றைய தங்க விலை, செய்கூலி, சேதாரம் மற்றும் ஜி.எஸ்.டி (GST) வரிகளைச் சேர்த்து இறுதி விலையை ஒப்பிடுவது அவசியமாகும்.

தங்கமயில்: ‘பிக் பாக்ஸ் ஆஃபர்’ மூலம் தங்க நகைகளுக்கு எடையைப் பொறுத்து கிராமுக்கு ரூ. 250 முதல் ரூ. 500 வரை தள்ளுபடி அல்லது செய்கூலி/ சேதாரத்தில் 20% தள்ளுபடி வழங்கப்படுகிறது. மேலும் குறிப்பிட்ட எடைக்கு வெள்ளிப் பொருட்களும் பரிசாகக் கிடைக்கின்றன.

ஜிஆர்டி ஜூவல்லர்ஸ் (GRT): தங்க நகைகளின் செய்கூலி/ சேதாரத்தில் 20% தள்ளுபடியும், வைர நகைகளின் மதிப்பில் 15% வரை தள்ளுபடியும் அறிவிக்கப்பட்டுள்ளன.

மலபார் கோல்டு அண்ட் டைமண்ட்ஸ்: குறிப்பிட்ட தங்க நகைகளின் செய்கூலியில் 20% முதல் 25% வரையிலும், வைர நகைகளின் வைரக் கட்டணத்திலும் சிறப்புத் தள்ளுபடி வழங்கப்படுகிறது.

டிவி, ஃப்ரிட்ஜ், வாஷிங் மெஷின் ஆஃபர்கள்

வீட்டு உபயோகப் பொருட்களை வாங்க ஆன்லைனை மட்டுமே நம்பியிருக்காமல், அருகில் உள்ள ஷோரூம்களிலும் விலையை ஒப்பிடுவது சிறந்தது.

அமேசான் & ஃபிளிப்கார்ட்: அமேசான் ‘கிரேட் இந்தியன் ஃபெஸ்டிவல்’ மற்றும் ஃபிளிப்கார்ட் ‘பிக் பில்லியன் டேஸ்’ மூலம் ஸ்மார்ட் டிவி மற்றும் வீட்டு உபயோகப் பொருட்களுக்குப் பெரும் தள்ளுபடிகள் மற்றும் எஸ்பிஐ (SBI) கார்டுகளுக்கு 10% உடனடித் தள்ளுபடி வழங்கப்படுகின்றன.

டார்லிங் ரீடெயில்: தமிழ்நாடு மற்றும் புதுச்சேரியில் உள்ள கிளைகளில் ஃப்ரிட்ஜ்களுக்கு 48% வரையிலும், வாஷிங் மெஷின்களுக்கு 45% வரையிலும், ஃபர்னிச்சர்களுக்கு 50% வரையிலும் தள்ளுபடிகள் உள்ளன.

ரிலையன்ஸ் டிஜிட்டல், க்ரோமா & விஜய் சேல்ஸ்: தேர்ந்தெடுக்கப்பட்ட வங்கி கார்டுகளுக்கு 7.5% வரை தள்ளுபடி, பழைய சாதனங்களை மாற்றும் ‘எக்ஸ்சேஞ்ச்’ ஆஃபர்கள் மற்றும் தவணைமுறைச் (EMI) சலுகைகள் ஆன்லைன் மற்றும் நேரடி ஷோரூம்களில் கிடைக்கின்றன.

மொபைல் மற்றும் லேப்டாப் சலுகைகள்

ஆன்லைன் ஆஃபர்கள்: அமேசான், ஃபிளிப்கார்ட் தளங்களில் முன்னணி பிராண்டுகளின் மொபைல்கள் மற்றும் லேப்டாப்புகளுக்குப் பண்டிகைக் கால விலை தள்ளுபடி கிடைக்கிறது.

ஒன் பிளஸ் (OnePlus): ஒன் பிளஸ் நிறுவனத்தின் பிரத்யேகப் பண்டிகைக் கால விற்பனை மூலம் அதன் அதிகாரப்பூர்வ இணையதளம் மற்றும் பிற விற்பனை நிலையங்களில் சிறப்பு வங்கிச் சலுகைகள் அறிவிக்கப்பட்டுள்ளன.

ஷோரூம்கள்: விஜய் சேல்ஸ், க்ரோமா மற்றும் ரிலையன்ஸ் டிஜிட்டல் கடைகளில் மொபைல் போன்களுக்கு பிரத்யேக வங்கித் தள்ளுபடிகள் வழங்கப்படுகின்றன.

ஆடைகள், அழகு சாதனங்கள் & பரிசுப் பொருட்கள்

மின்த்ரா & அஜியோ (Myntra & AJIO): பாரம்பரிய ஆடைகள் மற்றும் முன்னணி பிராண்டுகளின் ஆடைகளுக்கு 70% வரை தள்ளுபடிகள் வழங்கப்படுகின்றன.

டாடா கிளிக் (Tata CLiQ): ‘10.10 ஃபெஸ்டிவ் சேல்’ மூலம் ஆடைகள், காலணிகள், நகைகள், கடிகாரங்கள் மற்றும் அழகு சாதனப் பொருட்களுக்கு உடனடி வங்கித் தள்ளுபடிகள் உள்ளன.

மளிகை, இனிப்புகள் மற்றும் உலர் பழங்கள்

பிளிங்கிட் (Blinkit) & பிக்பாஸ்கெட் (BigBasket): தீபாவளிப் பூஜைகளுக்கான அகல் விளக்குகள், இனிப்புகள், உலர் பழங்கள் (Dry Fruits) கொண்ட கிஃப்ட் பேக்குகள் மற்றும் சமையல் எண்ணெய், மசாலாப் பொருட்களுக்குத் தொடர் தள்ளுபடிகள் உள்ளன.

ஜியோமார்ட் (JioMart): மளிகைப் பொருட்கள் மற்றும் பண்டிகைக் காலத் தேவைகளுக்கான சிறப்புப் பணப்பரிவர்த்தனைச் சலுகைகளை வழங்குகிறது. மளிகைப் பொருட்களை வாங்கும் போது 1 கிலோ விலை ஒப்பீடு மற்றும் பேக் அளவுகளைச் சரிபார்த்து வாங்குவது கூடுதல் சேமிப்பிற்கு உதவும்.